Shule mpya ya Awali na Msingi ya Mary of The Rosary Pre & Primary School ya Parokia ya Bikira Maria wa Rozari Takatifu - Makongo Juu, Jimbo Kuu Katoliki la Dar es Salaam kama inavyoonekana pichani baada ya kubarikiwa na kuzinduliwa na Askofu Mkuu wa Jimbo hilo, Mhashamu Sana Jude Thaddaeus Ruwa’ichi.
Mwanza
Na Paul Mabuga
Kuna makundi kadhaa ya vizazi kutokana na mazingira na matukio katika nyakati mbali mbali.
Mabadiliko ya Sayansi na Teknolojia, na hasa mapinduzi ya kidijitali, yamechangia zaidi kuongezeka kwa tofauti kati ya makundi ya vizazi, hali ambayo imeathiri mahusiano, mitindo ya maisha, na makuzi.
Uhusiano wa kizazi kimoja kwenda kingine, limekuwa ni jambo lenye changamoto kulimudu. Katika muktadha huo, mwandishi wetu Paul Mabuga anaangalia uhusiano kati ya wanandoa kutoka zama za ‘baby boomer’ na ‘milenia’.
Harufu ya sangara anayekaangwa, imetanda katika nyumba moja iliyopo katika mtaa wa Nyamanoro jijini Mwanza. Kwa hakika inavutia, kwani hata kwa mwenye hisia ndogo ya kunusa, anaweza kuitambua, na kwa mwenye njaa aliye jirani, ni lazima aombe msaada.
Baba mwenye nyumba tunayemwita Adam Fungamwango, yupo sebuleni akisoma gazeti. Unamtazama, unapokewa na sura yenye mikunjo inayokutangazia kuwa Bwana huyu umri wake kwa makadirio ni miaka 64. Na wewe ni mgeni pekee sebuleni.
“Karibu, lakini kabla ya yote fanya ufanyavyo kwenye mahojiano, lakini jina langu sitaki lijulikane! Vinginevyo hakuna mahojiano hapa,” anasema bwana huyu akikukaribisha na kuendelea na mazunguzo baada ya kuhakikishiwa kuwa litatumika jina bandia ili kuficha utambulisho wake, “Mie nilikuwa dereva, na nimeendesha maafisa wengi wakubwa, na sasa ni miaka minne tangu nimestaafu.”
Anasema, mkewe ambaye naye, tunamtambulisha, kwa jina la bandia la Diana Fungamwango, bado ni mfanyakazi kama katibu muhtasis katika moja ya mashirika ya umma jijini Mwanza, na ana umri wa miaka 44 kwa sasa. Walioana miaka 23 iliyopita, na kwamba Diana anatumia muda mwingi kazini isopokuwa siku za mwisho wa juma.
Diana ambaye ndiye anayekaanga samaki, hana makuu, katopea katika simu yake ya mkononi akitaradika na yaliyomo. Pengine anaanza leo wasanii gani wamechambana kwenye mitandao, anashuka na wale wasemaji wa timu za mpira na washabiki wao, na baadaye anatambaa na darasa la sifa za mume bora, na kumalizia na hadithi. Yeye ameshika mbili na wala hazimponyoki, huku ana simu, na kule anakaanga.
Hii ni ndoa kati ya mume ambaye katika zama za vizazi, yupo kwenye kundi la ‘Baby Boomer,’ ambao wamezaliwa kati ya miaka ya 1946 na1964 na mke ambaye yupo kwenye lile linalojulikana kama ‘milenia’, ambao walizaliwa kati ya 1981 na1996. Makundi haya ya vizazi na mengine, kila moja lina sifa zake,
Kwa maana hiyo watu katika kundi la ‘baby boomer’ wana umri kati ya miaka 61 na 79 kwa mwaka huu wa 2025. Kwa idadi kulingana na taasisi mbali mbali [Shirika la Takwimu la Taifa linalosimamia Sensa ya Watu na Makazi, (National Bereau of Statistics: NBS), na Benki ya Dunia, idadi yao hapa nchini ni kama milioni tatu, ama asilimia tano, ya Watanzania .
Wale walioko kwenye kundi la milenia, wana umri kati ya miaka 29 na 44, na idadi yao kulingana na taasisi hizo, inakadiriwa kuwa kama nilioni 12 ama asilimia 20 ya Watanzania kwa kadirio. Ni sawa na kusema ni kundi lenye watu wengi, na ambalo kwa idadi, ni mara nne ya lile la ‘baby’ boomer. Licha ya changamoto kadhaa, lakini kuna ndoa baina ya makundi haya kama ilivyo katika makala haya.
“Ni kweli kuna tofauti za kimtazamo katika baadhi ya mambo kati yangu na mke wangu, mathalan, mimi najali sana mambo ya maendeleo kitaifa, nikiona mtu anaonewa siwezi kupita bila kuhakikisha haki inapatikana;
Ninajali majaliwa ya taifa letu siku za usoni, na nipo tayari kujitolea kwa ajili ya jamii yangu,” anasema Fungamwango wakati alipotakiwa kufafanua baadhi ya mambo anayopendelea katika fikra zake,
Sifa hizi anazozieleza Mfungamwango, zinaelezwa na watafiti kuwa zinatokana na ukweli kwamba, ‘baby boomers’ walizaliwa katika kipindi cha harakati za kuleta mabadiliko katika jamii, na kupambania haki za binadamu, na hii ndiyo sababu ya wao kuwa hivi,
Kwa upande mwingine, tafiti zinaonesha kizazi cha milenia, kimetekwa na teknolojia, hasa kwa sababu wamekulia katika mazingira ya kuibuka na kushamiri kwa matumizi ya ‘internet’. Wana mapokeo yenye uwanda mkubwa ikilinganishwa na baby boomer na hivyo kuwafanya wao kuwa huru. Wanapenda kuwa wajasirimali na wanafanya kazi kwa uwiano na uhuru. Wanajali sana mitindo ya mavazi na vifaa vingine
MIAMI, Marekani
Kocha wa klabu ya soka ya Inter Miami Javier Mascherano amejibu maoni ya Neymar kuhusu uwezekano wa kuungana tena na Lionel Messi na Luis Suarez katika klabu ya Inter Miami.
Akizungumza na vyombo vya habari, Mascherano alisema kuwa hawawezi kumzungumzia Neymar kwa sababu hawana lolote, japokuwa ni wazi kwamba Neymar ni mchezaji mkubwa.
Mascherano alisema kwamba kila kocha duniani anamtaka, lakini kwa sasa, Ligi yao inatawaliwa kuhusu kikomo cha mshahara kwa wachezaji, hivyo kwao kwa wakati huu, haiwezekani kujaribu kufikiria juu yake.
Neymar amekuwa akihusishwa na uwezekano wa kuondoka Al-Hilal msimu wa joto, huku timu hiyo ya Saudi Pro League ikiripotiwa kutokuwa na uwezekano wa kuongeza mkataba wake kwa mwaka mwingine.
Mchezaji huyo mwenye umri wa miaka 32, amesalia kimya kuhusu mustakabali wake, huku akitarajia kupata tena utimamu kamili na kujenga mdundo ufaao kabla ya kutamba na Brazil kwenye Kombe la Dunia la 2026.
Neymar amekuwa akihusishwa na kutaka kujiunga na klabu ya Ligi Kuu ya Soka ya Inter Miami ili kuungana na wachezaji wenzake wa zamani wa Barcelona Messi, Suarez, Jordi Alba na Sergio Busquets, na kuchochea tetesi za uhamisho wiki ya jana.
MADRID, Hispania
Mkurugenzi Mtendaji wa Saudi Pro League, anadai uhamisho wa Vinicius Junior ‘ni suala la muda tu,’ huku Real Madrid wakipania kupata ofa nyingine kubwa.
Mshambuliaji huyo wa kimataifa wa Brazil, akiwa na umri wa miaka 24 tu, tayari ameona kuhamia Mashariki ya Kati kunakisiwa.
Imedaiwa kuwa kifurushi kilichovunja rekodi cha thamani ya Euro bilioni 1 (£854m/$1.1bn) kinawekwa akilingana katika ligi ambayo tayari inawahesabu magwiji wa Real Cristiano Ronaldo na Karim Benzema ndani ya safu yake.
Omar Mugharbel, Mkurugenzi Mtendaji wa Saudi Pro League, anaamini kwamba Vinicius atapita njia sawa ya kazi, wakati fulani katika siku zijazo zisizo mbali sana.
Kuvutiwa na Ligi ya Saudia kunaendelea kuimarika kote ulimwenguni, huku Mugharbel akiwa na imani kuwa wanaweza kushindana na timu zinazoongoza barani Ulaya.
Aliendelea kusema: “Sisi ni ligi namba moja barani Asia, lakini tunataka kuwa sehemu ya 10 bora duniani. Sasa hivi siwezi kukuambia tulipo. Tunapaswa kusubiri hadi mwisho wa msimu”.
DAR ES SALAAM
Na Remigius Mmavele
Sylvain Mbon, almaarufu Oxy-Oxygène alianza kazi yake katika bendi ya Choc Dallas katika mtaa aliochaguliwa na Petit kama mwimbaji, ingawa alikuwa na ndoto ya kuwa mpiga gita. Mnamo 1990, alicheza kwa muda mfupi katika bendi ya Visa Mondial. Katika mwaka huo huo, alijiunga na bendi ya Jean Juif Mava ya Cogiex Star.
Mnamo 1993, kikundi cha Cogiex Star kilipata shida kadhaa ambazo zilimfanya aachane nayo na kuanza harakati za uundaji wa bendi ya Extra Musica, ambayo alikuwa mwanzilishi mwenza. Katika kipindi cha miaka kumi na mmoja, alichoitumikia bendi hiyo, amehusika katika utunzi wa nyimbo kadhaa, zikiwemo: Nako bala yo na ko; Génération méchante; Ziya; Innondation; Cri du cœur (tuzo ya wimbo bora wa mwaka); Moselekete; Rufin Bouka na nyimbo nyingine nyingi zilizotolewa kwa majina ya baadhi ya wenzake.
Isivyo bahati, mnamo Desemba 16, 2004, aliachana na kikundi cha Extra Musica na kuunda bendi yake aliyoipa jina la Universal Zangul.
Mnamo Septemba 2006, alitoa albamu ya Tapis Rouge na kuiingiza sokoni.Mnamo 2008, alianza kuandaa albamu ya Conjugaison, ambayo hapo awali ilikuwa opus ya kikundi.
Miaka mitatu baadaye, yaani mwaka 2011, albamu hiyo haikuwa kwenye soko la rekodi kutokana na sababu mbalimbali.
Wasanii kadhaa waliondoka kwenye kundi hilo, na albamu ya Conjugaison ilishindwa kuingia sokoni kutokana na changamoto kadhaa. Oxy-Oxygène aliamua kuanza kazi kwa bidii, na akasaini na kampuni ya uzalishaji ya Letiok. Hatimaye ilikuwa Februari 2015 ambapo Conjugaison, albamu ya kwanza ya Jenerali Sotonyoto Oxy Oxygène, ilitolewa.
Albamu ya Conjugaison ina nyimbo kumi, ambazo ni: Mimi, Wewe; Kwa magoti yako; Mlinzi O; Mhandisi wa kumbukumbu; Mavazi ya pili; Tonga ya zagazaga; Zukuru; Kaké elanga; Anniv mapasa; Maboko minei.
MADRID, Hispania
Mkurugenzi Mtendaji wa Saudi Pro League, anadai uhamisho wa Vinicius Junior ‘ni suala la muda tu,’ huku Real Madrid wakipania kupata ofa nyingine kubwa.
Mshambuliaji huyo wa kimataifa wa Brazil, akiwa na umri wa miaka 24 tu, tayari ameona kuhamia Mashariki ya Kati kunakisiwa.
Imedaiwa kuwa kifurushi kilichovunja rekodi cha thamani ya Euro bilioni 1 (£854m/$1.1bn) kinawekwa akilingana katika ligi ambayo tayari inawahesabu magwiji wa Real Cristiano Ronaldo na Karim Benzema ndani ya safu yake.
Omar Mugharbel, Mkurugenzi Mtendaji wa Saudi Pro League, anaamini kwamba Vinicius atapita njia sawa ya kazi, wakati fulani katika siku zijazo zisizo mbali sana.
Kuvutiwa na Ligi ya Saudia kunaendelea kuimarika kote ulimwenguni, huku Mugharbel akiwa na imani kuwa wanaweza kushindana na timu zinazoongoza barani Ulaya.
Aliendelea kusema: “Sisi ni ligi namba moja barani Asia, lakini tunataka kuwa sehemu ya 10 bora duniani. Sasa hivi siwezi kukuambia tulipo. Tunapaswa kusubiri hadi mwisho wa msimu”.
MIAMI, Marekani
Kocha wa klabu ya soka ya Inter Miami Javier Mascherano amejibu maoni ya Neymar kuhusu uwezekano wa kuungana tena na Lionel Messi na Luis Suarez katika klabu ya Inter Miami.
Akizungumza na vyombo vya habari, Mascherano alisema kuwa hawawezi kumzungumzia Neymar kwa sababu hawana lolote, japokuwa ni wazi kwamba Neymar ni mchezaji mkubwa.
Mascherano alisema kwamba kila kocha duniani anamtaka, lakini kwa sasa, Ligi yao inatawaliwa kuhusu kikomo cha mshahara kwa wachezaji, hivyo kwao kwa wakati huu, haiwezekani kujaribu kufikiria juu yake.
Neymar amekuwa akihusishwa na uwezekano wa kuondoka Al-Hilal msimu wa joto, huku timu hiyo ya Saudi Pro League ikiripotiwa kutokuwa na uwezekano wa kuongeza mkataba wake kwa mwaka mwingine.
Mchezaji huyo mwenye umri wa miaka 32, amesalia kimya kuhusu mustakabali wake, huku akitarajia kupata tena utimamu kamili na kujenga mdundo ufaao kabla ya kutamba na Brazil kwenye Kombe la Dunia la 2026.
Neymar amekuwa akihusishwa na kutaka kujiunga na klabu ya Ligi Kuu ya Soka ya Inter Miami ili kuungana na wachezaji wenzake wa zamani wa Barcelona Messi, Suarez, Jordi Alba na Sergio Busquets, na kuchochea tetesi za uhamisho wiki ya jana.
DAR ES SALAAM
Na Mwandishi wetu
Mshambuliaji wa Timu ya Taifa ya Tanzania “Taifa Stars” Simon Msuva amefunguka kuwa hafikirii kurejea nchini kwa miaka ya hivi karibuni kutokana na kuwa bado anajiona ana uwezo wa kuendelea kupambana katika soka la ushindani nje ya nchi.
Msuva alisema kuwa pamoja na umri wake wa miaka 31, lakini haumfungi yeye kutundika daruga hivi karibuni na kufungua milango ya kurudi kucheza katika Ligi Kuu Tanzania.
Alidai kuwa muda ukifika atarejea nchini, ila kwa sasa bado ana njaa ya kutafuta fedha, na ikitokea amerudi Tanzania basi itakuwa ni mipango tu ya Mungu, ila kwa sasa bado sana kurejea nchini, kwani anatamani kuendelea kusakata kabumbu kwa miaka mingi zaidi nje ya nchi.
Alisema kuwa kwa sasa yeye maamuzi yake ya kuendelea kupambana nje ya nchi ni kuhakikisha anatafuta hela kwa kila hali, kwani bado ana nguvu kuliko vijana ambao kwa sasa wanaonekana wako vizuri uwanjani.
“Itakapofikia, nitarudi tu Tanzania wala Watanzania wasijali, ila kwa sasa bado sana naitafuta hela Waswahili wanasema kwa sasa nina njaa, kwani nataka kuendelea kutafuta hela sana, na wala siyo kurudi nchini kwa sasa”, alisema Msuva.
Alisema kuwa wakati ukifikia, ataweka wazi wazi kuwa ni wapi atakapomalizia soka lake, kama ni Simba au Yanga, ila kwa sasa bado hajafikiria kurudi, kwani mipango yake ni kuendelea kupambana kukusanya sana fedha.
Aidha, aliweka wazi kuwa maamuzi hayo ni ya kwake, na wala siyo ushauri wa mtu mwingine yeyote, kwani anachokifahamu ni kuwa muda bado unamruhusu kuendelea kuonekana sana uwanjani kutokana na uwezo aliokuwa nao.
Msuva alisema kuwa soka lake lazima atalimalizia Tanzania, hivyo kuhusu kuchaguliwa timu ya kucheza pale ambapo atakaporejea, siyo kitu ambacho atakiwekea kipaumbele, kwani anatamani kumaliza soka lake kwa heshima ili historia yake iendelee kuandikwa.
Aliendelea kudai kuwa siyo ndani ya miaka mitatu au minne ya hivi karibuni kurejea nchini, kwani bado ana nguvu za kutafuta hela katika soka la Kimataifa.
“Hayo ni maamuzi yangu mwenyewe, na siyo ya mtu mwingine kunichagulia nikacheze Simba au Yanga, kwani nina nguvu sana ya kukimbia zaidi ya wachezaji wengine vijana. Hivyo, sijachoka kama wengine wanavyodhani”, alisema Msuva.
Msuva ni mmoja ya wachezaji waliofanikiwa kuisaidia Taifa Stars kufuzu kucheza michuano ya Afcon mwaka 2027, na amekuwa msaada mkubwa katika timu hiyo kutokana na uwezo wake kuwa mkubwa.
Katika misimu ya karibuni, Msuva amekuwa akihusishwa kurudi katika klabu za nyumbani Tanzania lakini mwenyewe amesema bado hajaamua, na Watanzania wasiwe na wasiwasi ni wapi atakapocheza, kwani atahitaji muda wa kufikiria juu ya kucheza Simba au Yanga.
DAR ES SALAAM
Na Mathayo Kijazi
Jimbo Kuu Katoliki la Dar es Salaam limepata Parokia mpya tatu, na hivyo kufikisha idadi ya Parokia 170 na kulifanya jimbo hilo kuwa na parokia nyingi ikilinganishwa na majimbo ya Kanisa Katoliki nchini.
Parokia mpya ambazo awali zilikuwa Parokia Teule, ni Parokia ya Mtakatifu Karoli Lwanga - Mwongozo, inayozaliwa kutoka Parokia ya Gezaulole, ambayo Paroko wake ni Padri Miki Mbuku, Parokia ya Mtakatifu Stephano - Makurunge, inayozaliwa kutoka Parokia ya Kiluvya, ambayo Paroko wake ni Padri Amani Shirima, na Parokia ya Bangulo, iliyozaliwa na Parokia ya Mt. Padri Pio, Ulongoni, ambayo Paroko wake ni Padri Daniel Matungwa.
Hayo yalifanywa na Askofu Mkuu wa Jimbo Kuu hilo, Mhashamu Sana Jude Thaddaeus Ruwa’ichi OFMCap, wakati wa Adhimisho la Misa Takatifu ya kutoa Daraja Takatifu ya Ushemasi kwa Mafrateri 11 katika Parokia ya Roho Mtakatifu – Kitunda, jimboni humo.
Mashemasi hao wapya waliopokea Daraja hiyo Takatifu, ni Shemasi Benjamin Maganga Bundala, Shemasi Francisco Benedicto Chabili, Shemasi George Arnold Mbago, Shemasi Josephat Wilson Mlacha, Shemasi Emmanuel Lazaro Mbuya, Shemasi Gabriel Victor Kihondo, Shemasi Richard Osvaldo Villar Zorilla na Shemasi Mark Clement Xavier, wote wa Jimbo Kuu Katoliki la Dar es Salaam.
Wengine ni Shemasi Christian Leonard Mlela- MI, Shemasi Charles Msabila- MI, na Shemasi Kanuth Martin Nyoni -MI, wote wa Shirika la Wahudumu wa Wagonjwa, yaani Wakamiliani.
Askofu Mkuu Ruwa’ichi alifanya mabadiliko ya Mapadri katika baadhi ya Parokia za Jimbo Kuu hilo, ambapo Padri Charles Kayumba amekuwa Paroko wa Parokia ya Misugusugu, Padri Venance Shiganga Paroko Msaidizi wa Parokia ya Kibiti; Padri Canisius Hali, Paroko Msaidizi wa Parokia ya Muungano; na Padri Baltazar Mbwale amekuwa Paroko Msaidizi wa Parokia ya Makongo Juu.
Katika nasaha zake, Mchungaji Mkuu huyo wa Jimbo aliwahimiza Mapadri hao kuendelea kujituma na kuwajibika ipasavyo katika maeneo yao wanayofanyia kazi za kitume, ili waweze kutekeleza vyema Utume wao.
Awali, katika homilia yake Askofu Msaidizi wa Jimbo hilo, Mhashamu Stephano Musomba aliwataka Mashemasi hao wapya kutambua kwamba kwenye sehemu ya Liturujia, wana nafasi kubwa, hivyo ni wajibu wao kutangaza Habari Njema kama walivyoagizwa.
“Lakini Shemasi, kwenye sehemu ya Liturujia, una nafasi kubwa vile vile. Kuna sehemu kuu tatu zinazoongea na wewe mwenyewe unazitumia. Lakini hizo ni kwa ajili ya Tafakari la Maisha ya Kikristo katika Liturujia…
“Sehemu ya kwanza, ukiwa kwenye Misa, Shemasi wewe ni wa kutangaza Habari Njema, unapokuwa untangaza Habari Njema, furahia sasa, tangaza kwa umakini Habari Njema kwa watu, na unaposoma hivyo, usome maisha yako ya Kikristo na Ukuhani wako,” alisema Askofu Musomba.
Aliongeza kuwa hata wanapotamka juu ya kutakiana amani, wanatakiwa kuhakikisha kwamba hata wao wenyewe wanakuwa na amani hiyo ndani ya mioyo yao, kwani huo ndio Umisionari.
“Unachokitamka, ‘tutakiane amani’, au ‘mpeane amani’, basi kitoke moyoni mwako nayo amani hiyo, lakini ya tatu, nendeni na amani, unapomalizia misa, unaposema nendeni na amani, inamaanisha unatumwa kutangaza Habari Njema, unawatuma watu watangaze Habari Njema, na wewe mwenyewe unatakiwa kutangaza Habari Njema, lakini hilo lote linaonyesha Umisionari, ambalo vile vile ni dhamiri ya Kanisa, Kanisa la Kimisionari,” alisema Askofu Msaidizi Musomba.
Vile vile, Askofu Msaidizi Musomba alibainisha kwamba Waamini wanapomtangaza Yesu Kristo, hawatakiwi kuwa kama wanakwenda sokoni, bali wanatakiwa kuwashirikisha wengine yale wanayoyaishi wao.
Aliwasisitiza Mashemasi hao wapya kutimiza majukumu yao, wakifahamu kwamba sasa wamepokea Daraja Takatifu, kwani ndani ya Daraja hilo, kuna changamoto zake.
DAR ES SALAAM
Na Laura Chrispin
Askofu Msaidizi wa Jimbo Kuu Katoliki la Dar es Salaam Mhashamu Henry Mchamungu amewataka Waamini watambue kazi ya Kanisa ni kumfanya mtu aweze kujitafakari na kuwa safi mbele ya Mungu.
Askofu Mchamungu alisema hayo wakati wa Ibada ya Masifu ya Jioni, kiapo cha useja na kukiri imani kwa Mafrateri wanane katika Kanisa Kuu la Mtakatifu Yosefu, Jimboni humo.
“Mnatakiwa kutambua Utume wa Kanisa ni kuwasaidia watu waishi katika nuru, kwani hata Kristo alikuja kutuongoza ili tuweze kutembea katika mwanga,” alisisitiza Askofu Mchamungu
Alisema pia kwamba mtarajiwa wa Ushemasi au Upadri wa kudumu kabla ya kupokea Daraja Takatifu lazima afanye kiapo cha useja katika ibada, na tena hadharani ikiwa ni sheria iliyowekwa.
Askofu Mchamungu aliendelea kusema kuwa hapo awali kulikuwa na aya mbili, lakini kifungu na.1009 kiliongezwa aya ya tatu ambayo ilieleza kuwa wahudumu wanaopewa Daraja la Uaskofu au Padri, wanapewa uwezo au utume wa kutenda katika nafsi ya Kristo (In Persona Christi).
Sambamba na hayo alisema kwamba wale wa Daraja la Ushemasi, nao wanapewa nguvu za kulitumikia Taifa la Mungu katika Liturujia ya Neno na upendo.
Pia, aliwataka watambue kuwa Shemasi ni Mkrelo na siyo Kasisi, huku akiwahimiza wawe katika imani iliyo thabiti, na siyo kuhangaika kwa wahubiri tofauti badala yake wasimame katika imani yao na mafundisho yake.
Askofu Mchamungu aliwasihi wawe ni watu wenye manufaa, na kufaa katika kazi kusaidiana na Askofu na kusema inapoonekana hana manufaa hatapewa daraja.
Vile vile aliwataka Mafrateri kuwa na nia sahihi kwa kuwa wasaidizi wa Askofu kwa kumsaidia katika kuchunga kondoo wake kwa uadilifu (haimaanishi Maaskofu Wasaidizi).
Mbali na hayo, lazima awe na elimu ya kutosha kabla ya kupewa daraja kwani haiwezekani asimalize kupata elimu na Askofu akampa daraja.
Aliendelea kusema kwamba anayepewa daraja, lazima awe na nidhamu mbele za watu, na watu wamheshimu, na akionekana haheshimiki na watu hataweza kupatiwa daraja la Upadri.
Askofu Mchamungu aliwataka Mafrateri wawe na fadhila za Kimungu, kwani itawasaidia katika kutekeleza majukumu yao vyema, bila matatizo.
Pia aliwataka Waamini wazidi kuwaombea Mafrateri hao{sasa Mashemasi}kwa Mungu, ili waweze kuishi vyema viapo vyao vya kumtumikia Mungu siku zote za maisha yao.
DAR ES SALAAM
Na Mwandishi wetu
Dekano wa Dekania ya Mtakatifu Thomas More ambaye ni Paroko wa Parokia ya Mtakatifu Kizito, Jimbo Kuu Katoliki la Dar es Salaam, Padri Romuald Mukandara amewaasa waamini kumtolea Mungu Sadaka safi.
Padri Mukandala alisema hayo hivi karibuni wakati wa Adhimisho la Misa Takatifu ya Tokeo la Bwana, iliyofanyika katika Parokia ya Mtakatifu Kizito-Kilongawima.
“Mnatakiwa kumtolea Mungu sadaka ya kupendeza na siyo kufanya maigizo, huku ukitazama zaidi kipato chako na kiasi unacho mtolea Mungu kama shukrani,”alisema Padri Mukandala.
Aidha,alisema mwaka huu ni mpya kila muamini anatakiwa kujitafakari mwenyewe wapi amejikwaa na kumkwaza Mungu, kwa mwaka uliyopita kwa matendo mbalimbali.
Padri Mukandara aliwasihi waamini kusahihisha makosa yao kwa kufuata anacho kihitaji Mungu, na kusema kama, mwizi, mchoyo, mkorofi, na kama hawajafunga ndoa Takatifu ama kutolipa Zaka wabadilike sasa.
Alisema kwamba Dekania na Parokia anayoiongonza anataka kila Mwanakwaya anayeimba mziki Mtakatifu kanisani kujitahidi kufunga ndoa hasa kwa wale wenye kuishi uchumba sugu.
Kwa mujibu wa Padri Mkandala wanakwaya wanatakiwa kuachana na maisha ya uchumba sugu, kwani wao ni vioo vya jamii.
Aidha, aliwataka waamini kutambua kwamba katika kuimba wanasali mara mbili, akiwasihi wapokee Sakramenti Takatifu.
Naye Padri Josephat Utouh, ambaye ni Mkuu wa Chuo Cha Ufundi Cha Don Bosco_Jimbo Katoliki la Iringa, aliwataka waamini kuacha tabia za kukumbatia mambo yasiyofaa.
Hata alisema waamini hao wanatakiwa kuhakikisha wanaiishi Imani yao, Katoliki pasipo kutangatanga katika madhehebu mengine.
Padri Utouh aliendelea kusema waamini inawapasa kuwa na upendo kwa wanadamu akiwasihi kuachana na chuki.
DAR ES SALAAM
Na Celina Matuja
Waamini wametakiwa kuamua wenyewe kutoka ndani ya mioyo yao kumtolea Bwana Yesu Kristo, maisha yao kwa imani safi, moyo wa upendo na maadili bora.
Wito huo ulitolewa hivi karibuni na Askofu Mkuu wa Jimbo Kuu Katoliki la Dar es Salaam, Mhashamu Sana Jude Taddaeus Ruwa’ichi wakati akitoa Homilia yake katika Adhimisho la Misa Takatifu ya Sakramenti Takatifu ya Kipaimara iliyofanyika Parokia ya Mtakatifu Antony Maria Claret, Kimara Michungwani.
Askofu Ruwaich’i amewashauri na kuwataka kila mwamini mfuasi wa Kristo kujipanga kumtolea Yesu maisha yake akimtambua kuwa ni Bwana na Mungu wake.
“Maisha ya Ufuasi yanatakiwa kuenda sambamba na Matendo mwamini huna budi kumuungama Kristo kwa kumpa maisha yako kwa imani safi, moyo wa upendo, maadili mazuri,”alisema Askofu Mkuu Ruwa’ichi.
Aidha alibainisha kwamba MamaJusi watatu Merkioli, Gaspary na Baltazari walimtolea Yesu zawadi, ambazo zinambakisha, katika ukuu wake, na zawadi hizo ni Ubani ambao unawafanya wamuungame Yesu kuwa ni Bwana na Mungu wao,
Alisema waamini wa sasa wanatakiwa pia kumtambua Yesu Kristo kuwa ni Bwana na Mungu wao, kwani Mama Jusi hao pia walimtolea Yesu Zawadi ya dhahabu ambayo inaelezea ufalme na walimtolea zawadi hiyo kwa kutambua kuwa ni Mfalme wa ulimwengu.
Na zawadi ya tatu Askofu Mkuu aliitaja kuwa ni Mane Mane (Marashi au Mafuta mazuri) ambayo yanatumiwa na watu na kwa kumtolea marashi hayo waliashiria kifo chake Masalabani tena cha aibu na atakaye fufuka kwa ajili ya ukombozi wa watu wote, kwa maana hiyo Yesu Kristo alijidhihirisha kwa ulimwengu kuwa ni Mungu na mwokozi wa ulimwengu.
Askofu huyo, alisisitiza kwa waamini kuendelea kumkiri Yesu katika maisha yao kuwa ni Bwana na aliyeshinda dhambi, mauti na aliyeukomboa ulimwengu.
Alisema kila mwamini apende kujipambanua na kuishi maisha ya Mwana wa Mungu kama mtu aliyekombolewa na sio kuishi kiholela bali wenye imani thabiti, usafi wa moyo na sahihi.
Kwa upande wa Waimarishwa Askofu Mkuu Ruwa’ichi, aliwataka vijana hao kuzingatia ufupisho wa habari njema ya wokovu kwamba Kristo aliteswa, Kristo alikufa, amefufuka ni mshindi na mtukufu.
Askofu Msaidizi wa Jimbo Kuu Katoliki la Dar es Salaam, Mhashamu Stephano Musomba, akiwaombea Mashemasi wapya 11 baada ya kupokea Daraja Takatifu la Ushemasi wakati wa Adhimisho la Misa Takatifu ya kutoa Ushemasi, iliyoadhimishwa katika Parokia ya Roho Mtakatifu, Kitunda, jimboni humo. (Picha na Yohana Kasosi)
ZANZIBAR
Na Salum Ali
Rais wa Serikali ya Mapinduzi Zanzibar (SMZ) na Mwenyekiti wa Baraza la Mapinduzi, Dk. Hussein Ali Mwinyi amesema Serikali inajipanga kwa ujenzi wa Maghala ya kuhifadhia chakula ili kuwa na uhakika wa chakula.
Amesema kuwa kujitokeza kwa Sekta binafsi kuanza kujenga ghala ni jambo linalopaswa kuungwa Mkono.
Rais Dk. Mwinyi alisema hayo alipofungua ghala la kuhifadhia chakula Gando, Wilaya ya Wete, Mkoa wa Kaskazini Pemba linalomilikiwa na Kampuni ya Yasser Provision.
Aidha Rais Dk. Mwinyi alisema Serikali inalenga kuwapunguzia mzigo wa gharama Wafanyabiashara wanaoleta chakula nchini ili kuwepo kwa Unafuu wa bei kwa Wananchi.
Rais Dk. Mwinyi alielezea njia nyengine ni kuwa na Ushuru Maalum kwa Bidhaa zinazopelekwa Pemba .
Dk. Mwinyi alibainisha kuwa mpango wa kuifungua Pemba kiuchumi una dhamira thabiti ya kuhakikisha bei za bidhaa muhimu zinashuka na kutoa unafuu wa maisha kwa Wananchi.
Alisema ujenzi wa Bandari za mkoani, Shumba Mjini na Wete ambao utaanza karibuni ni miongoni mwa hatua muhimu ya kuwawezesha Wafanyabishara kuleta mizigo yao moja kwa moja Pemba kutoka nchi wanazoagiza ili kupunguza gharama za mzunguko wa Usafirishaji.
Hata hivyo, Dk. Mwinyi alisema Serikali inajipanga Kutafuta njia bora za kupunguza gharama za chakula kwa Wananchi wa Pemba.
Radio –Television Tumaini, also trading as Tumaini Media, consisting of Radio Tumaini, a weekly newspaper “Tumaini Letu” and a Television Station “Tumaini Television” is owned and run by the Archdiocese of Dar es Salaam, Tanzania since 1994.
+(255) 238-4131
info@tumainimedia.co.tz/p>
